انا جزائري بطل العالم وكل العالم يغير مني

     style="display:inline-block;width:728px;height:90px"
     data-ad-client="ca-pub-2223375438498122"
     data-ad-slot="8243215096">

أنا جزائري أشرب الخمر و أزني ولكن لا آكل لحم الخنزير لأنه حرام ويرجع الذكر طحان مايغيرش على مرتو 
أنا جزائري أشاهد الموقع الأزرق وإذا جا الماء ندوش وإذا ماجاش نبقى بالجنابة حتى تفرج
انا جزائري احفظ سورة الفاتحة واعرف الإسلام من فيلم الرسالة و أترك تطبيق صلاتي يذكرني باوقات الصلاة وندير رنة هاتفي آذان ولا اغنية إلا صلاتي ما اخليها؛ لا أبحث ولا افكر ولا اقرأ وحتى لما يجيبولي الناس الأدلة من القرآن والسنة اكتفي بالقول انها تلفيق واتهم الناس بالكفر والعداوة للإسلام؛
انا جزائري عندي دكتورا تاع مؤخرات و خبير في التكحال و من بعد نحصل في الفتيات و لباسهن
أنا جزائري أحلم بالحب على طريقة الكفار و أتخيل نفسي في لحظات رومانسية بينما انتقد كل كوبل او حبيبين نشوفوهم في الشارع او على شاطئ البحر
أنا جزائري لدي صديقتي تحبني لكن لا اتزوجها و أفضل امرأة تخيرها العجوز - لأني نحشم نقول ماما نبان أنوش - تكون تعرف تطيب و شاطرة و تحبس الخدمة على خاطري ولكن في نفس الوقت احب الزواج دون مهر ولا أمانع أن المرا هي لي تصرف عليا وتجيبلي دار وطونوبيل وتقلشني وتغسلي رجليا ؛بالمختصر المفيد نكون انا رب عليها وهي خلقها ربي باش تخدمني وتبلع
أنا جزائري يمكن ان أكون جون طرافولطا في مكان للرقص و إمام متشدد و مفتي في المسجد ومحلل رياضي في العمل وخبير اجتماعي وانا مكالي الحيط لي خلاتو فرنسا
انا جزائري أحفظ النشيد الوطني عن ظهر قلب و يقشعر بدني و في نفس الوقت أحلم بالهجرة من هذا البلد و أسرق ذهب أمي وزوجتي واختي لدفع ثمن الحرڨة في بوطي رافعا شعار ياكلني الحوت ولا ياكلني الدود؛ وإذا وصلت لبلاد الكفار نعيش من خيرهم و لكن نبقى ماشي بالتخلف والجهل تاعي ومانحاولش نتحضر ولا نتعلم منهم وفي أول فرصة نغدرهم عادي لأنهم كفار
انا جزائري ضد الفساد و الرشوة و السرقة لكن نحرق الترامواي و لا اقول لا اذا لقيت عفسة كيفاش نفليكسي باطل ونسرق تريسيتي ونفسد الأملاك العمومية ونبول في اي مكان مخصص للجلوس ونرمي الزبل ونبزق وين جات
انا جزائري بطل قاوي في كل المجالات وكل الناس تغار مني وتتآمر علي و الغلطة دائما غلطة الآخرين ومع ذلك يبقى دايمن مش عاجبني الحال
راك فاهم !